ඇෆ්ගනිස්ථාන A කණ්ඩායම ඉතිහාසයේ පළමු වරට නැගී එන කණ්ඩායම් අතර ආසියානු කුසලාන පන්දුවාර විස්සයි විස්ස ක්‍රිකට් තරගාවලියේ ශූරතාවය දිනා ගත්තේ ය.
ඒ, ඕමානයේ අල් අමෙරාට්හිදී ශ්‍රී ලංකා A කණ්ඩායම සමග පැවැති අවසන් මහා තරගය කඩුලු 7කින් ජය ගනිමින් ය.
ශ්‍රී ලංකාව තරගාවලිය තුළ අනුශූරතාවය දිනූ තුන්වැනි අවස්ථාව මෙයයි.
හයවැනි වරට පැවති නැගී එන කණ්ඩායම් අතර ආසියානු කුසලාන ක්‍රිකට් තරගාවලියේ අවසන් මහා තරගයට ශ්‍රී ලංකා A සහ ඇෆ්ගනිස්ථාන A කණ්ඩායම් සුදුසුකම් ලබා ගත්තේය.
කාසියේ වාසිය හිමිකර ගත් ශ්‍රී ලංකා A කණ්ඩායම පළමුව පන්දුවට පහරදීමට තීරණය කළේ ය.
ශ්‍රී ලංකා A කණ්ඩායම නියමිත පන්දුවාර 20 තුළ කඩුලු 7ක් දැවී රැස් කළ ලකුණු සංඛ්‍යාව 133කි.
